Лінкі ўнівэрсальнага доступу

logo-print

[ 03:46 ]  Генэральны сакратар НАТО ў Маскве пашырае супрацоўніцтва


МАСКВА. Генэральны сакратар НАТО Джордж Робэртсан сёньня, як чакаецца, правядзе перамовы з расейскім кіраўніцтвам наконт пашырэньня супрацоўніцтва паміж Расеяй і НАТО. Робэртсан прыбудзе ў Маскву з Валгаграду. Заплянаваныя ягоныя сустрэчы з міністрам абароны Сяргеем Івановым, а заўтра – з прэзыдэнтам Уладзімірам Пуціным ды іншымі кіраўнікамі Расеі. Сувязі Расеі з Захадам нядаўна пачалі імкліва разьвівацца дзякуючы моцнай падтрымцы з боку Масквы вайны на чале са Злучанымі Штатамі супраць тэрарызму. Расейскі міністар абароны напярэдадні заявіў, што Масква прапануе, каб яна атрымала некаторыя паўнамоцтвы ў прыняцьці рашэньняў ў рамках НАТО – праз мажлівую новую форму стасункаў з гэтым заходнім вайсковым альянсам. Іваноў зазаначыў, што такія сувязі мусяць базавацца на прынцыпе раўнапраўных стасункаў. Брытанскі прэм’ер-міністар Тоні Блэр нядаўна прапанаваў стварыць новы орган, які б значна пашырыў ролю Расеі ў рамках НАТО дзеля паглыбленьня супрацоўніцтва ў пытаньнях кшталту барацьбы з тэрарызмам і нераспаўсюджваньня зброі.
XS
SM
MD
LG