КІЕЎ. Міністар абароны Ўкраіны Аляксандар Кузьмук падаў у адстаўку ў сувязі зь інцыдэнтам, калі ўкраінская ракета выпадкова зьбіла расейскі самалёт. Прэзыдэнт Украіны Леанід Кучма, выступаючы ў дзяржаўнай тэлевізіі, сказаў, што прыняў адстаўку і прыпыніў выкананьне абавязкаў шэрагам іншых вайсковых кіраўнікоў. Запускі ракетаў на тэрыторыі Ўкраіны часова забароненыя. Тры тыдні таму самалёт, які ляцеў з Тэль-Авіву ў Сыбір, выбухнуў у паветры падчас украінскіх вайсковых вучэньняў у Чорным моры.