ТЭАРЦЭ (МАКЕДОНІЯ). Як паведамляе Міністэрства Ўнутраных Справаў Македоніі, учора ў выніку выбуху быў пашкоджаны будынак паліцыі ў пасёлку Тэарцэ на паўночным захадзе краіны, аднак ніхто зь людзей не пацярпеў. Выбух адбыўся ў той самы дзень, калі шматэтнічныя патрулі македонскай паліцыі пачалі несьці службу ў некалькіх альбанскіх вёсках, у тым ліку ў Тэарцэ за 30 кілямэтраў ад Скоп’я. Патрулі, якія складаюцца з македонцаў і альбанцаў, ахоўвалі парадак у вёсках на працягу трох гадзінаў пад наглядам назіральнікаў з АБСЭ і Эўразьвязу.