БЯЛГРАД. Міністар абароны Югаславіі Слабадан Крапавіч і ягоны македонскі калега Влада Букоўскі заявілі, што югаслаўскае войска паставіць частку сваіх узбраеньняў македонскаму войску і будзе супрацоўнічаць зь ім у аб’яднанай барацьбе супраць этнічных альбанскіх тэрарыстаў. Калі ў 1991 годзе Македонія абвесьціла незалежнасьць ад Югаславіі, югаслаўскае войска пакінула тэрыторыю краіны і вывезла адтуль вайсковае абсталяваньне. Ад тых часоў абедзьве краіны змагаліся з этнічнымі альбанскімі паўстанцамі і незалежнікамі, каго яны разглядаюць як тэрарыстаў.