ВАШЫНГТОН. На гэты момант у Злучаных Штатах ад сыбірскай язвы ўжо памёр адзін чалавек і яшчэ адзінаццаць захварэлі або падвергліся ўзьдзеяньню бактэрыяў. Выпадкі сыбірскай язвы былі выяўленыя ў штатах Флорыда, Нью-Ёрк, а бактэрыі хваробы былі знойдзеныя ў штаце Нэвада. Улады Злучаных Штатаў разглядаюць гэтыя інцыдэнты як тэрарыстычныя акты і шукаюць магчымых сувязяў паміж імі і тэрарыстычнымі нападамі 11 верасьня.