ВАШЫНГТОН
Сёньня Дзярждэпартамэнт ЗША паведаміў, што ў будынку дэпартамэнту была знойдзеная падазронае рэчыва. Былі выкліканыя адпаведныя службы, якія апячаталі пакой, дзе знаходзіцца рэчыва, падобнае на белы парашок. Афіцыйныя прадстаўнікі кажуць, што пачатковае дасьследваньне паказвае, што рэчыва не нясе “непасрэднай пагрозы” людзям. Гэта ўжо другі раз за апошнія тры дні, калі знаходзяць падазроныя субстанцыі ў штаб-кватэры амэрыканскай дыпляматыі.