Вашынгтон
Міністр абароны ЗША Дональд Рамсфэльд падчас сваёй прэсавай канферэнцыі толькі што заявіў, што супрацьпаветраная абарона талібаў падаўленая. ЗША, паводле Рамсфэльда, могуць атакаваць любыя аб`екты ў Афганістане фактычна без абмежаваньняў. Міністр адмовіўся сказаць, якім будзе наступны крок у ваеннай кампаніі.
Узброеныя Сілы ЗША сёньня працягвалі наносіць удары па пазыцыях тэрарыстаў у Афганістане. Увечары авіяцыя ЗША бамбавала паўднёвы афганскі горад Кандагар і паўднёвазаходні Герат. Сёньня ўпершыню ад пачатку кампаніі брытанскія і амэрыканскія самалёты атакавалі вайсковыя аб`екты днём. Брытанскія афіцыйныя асобы паведамляюць, што базам і ваеннай інфраструктуры тэрарыствў нанесеная значная шкода.
Прадстаўнікі Талібану сцьвярджаюць, што ў выніку амэрыканскіх удараў загінулі дзясяткі цывільных асобаў у гарадах Кабул, Кандагар і Джалялябад.
Аднак, паводле словаў амбасадара талібаў у Пакістане муллы Абдул Заефа, талібы гатовыя ахвяраваць да 2 мільёнаў жыцьцяў дзеля справы незалежнасьці краіны. Заеф таксама паведаміў, што лідар талібаў мулла Мухамад Омар і міжнародны тэрарыст Усама бін Ладэн жывыя.