ЛЮКСЭМБУРГ. Сёньня Эўрапэйскі Зьвяз заявіў, што ён гатовы супрацоўнічаць з Арганізацыяй Аб’еднаных Нацыяў у справе ўсталяваньня дэмакратычнага ўраду ў Кабуле, які наладзіць добрыя сувязі з суседзямі ў імя стабільнасьці ў Цэнтральнай Азіі. Паводле заявы Эўразьвязу, афганскі народ заслугоўвае мець урад, які адпавядае ягоным запатрабаваньням. Міністры Эўразьвязу таксама пагадзіліся павялічыць гуманітарную дапамогу звычайным афганцам.