ВАШЫНГТОН. Злучаныя Штаты абвесьцілі пра свой намер прадаць Уману ўзбраеньня на суму большую за мільярд даляраў. Пра гэта было паведамлена неўзабаве пасьля завяршэньня візыту ва Ўман міністра абароны ЗША Доналда Рамсфэлда.
Міністэрства абароны ЗША заявіла, што сярод іншага Ўману будзе пастаўлена 12 бамбавальнікаў Ф-16, ракеты клясы “паветра-паветра”, бомбы лязарнага кіраваньня і іншая тэхніка.
Уман заявіў пра сваю падтрымку Злучаных Штатаў у змаганьні зь міжнародным тэрарызмам.