ВАШЫНГТОН. Міністэрства абароны ЗША распрацоўвае плян дастаўкі харчаваньня афганскім уцекачам. Прадстаўнік Пэнтагону Грэйг Куіглі заявіў, што харчаваньне будзе скідвацца на парашутах або перавозіцца ў Афганістан наземным шляхам.
Учора амэрыканскі прэзыдэнт Джордж Буш сказаў, што Злучаныя Штаты гатовыя выдзяліць афганскаму народу 320 мільёнаў даляраў дадатковай гуманітарнай дапамогі. Асноўная частка гэтых сродкаў пойдзе на дапамогу ў крызысным становішчы, калі шматлікія ўцекачы ратуюцца ад магчымых амэрыканскіх удараў па талібах.