СКОП’Е. Эўрапейскі Зьвяз зьбіраецца адкласьці міжнародную канфэрэнцыю донараў для Македоніі ў сувязі зь нежаданьнем македонскіх уладаў праводзіць рэформы, неабходныя для ажыцьцяўленьня міранага пляну. Сытуацыя ў Македоніі ўскладнілася пасьля ўчорашняй пастановы Рады Нацыянальнай Бясьпекі краіны паслаць паліцыю ў займаныя альбанскімі паўстанцамі раёны. Злучаныя Штаты, НАТО, Эўразьвяз і АБСЭ заявілі, што македонскі ўрад не выконвае ўмоваў, якія прадугледжвалі мірную інтэграцыю паўстанцкіх раёнаў.