ВАШЫНГТОН. Прэзыдэнт ЗША Джордж Буш афіцыйна паведаміў Кангрэсу, што вайсковыя кантынгэнты Злучаных Штатаў будуць разгорнутыя на Блізкім Усходзе і ў краінах Азіі ў рамках кампаніі супраць міжнароднага тэрарызму. Буш адзначыў, што пакульнемагчыма вызначыць маштабы і працягласьць апэрацыі.
Прэм”ер-міністар Вялікай Брытаніі Тоні Блэр зноў заклікаў кіраўніцтва афганскага руху Талібан выдаць Усаму бін Ладэна, які зьяўляецца галоўным падазраваным у арганізацыі тэрактаў у ЗША 11 верасьня. Паводле Блэра, адмова талібаў непазьбежна прывядзе да ваеннай апэрацыі супраць Афганістану.