СКОП’Е. Кантынгент НАТО ў Македоніі сёньня паведаміў, што здача зброі альбанскімі паўстанцамі адбываецца паводле пляну. Чакаецца, што неўзабаве Нацыянальна-Вызвольная Армія здасьць вайскоўцам НАТО ўсе заплянаваныя 3300 адзінак зброі. 30-дзённая місія НАТО ў Македоніі канчаецца 26 верасьня. НАТО разглядае пытаньне аб тым, каб пакінуць невялікі вайсковы аддзел пасьля гэтай даты для аховы міжнародных назіральнікаў.