Тысячы афганскіх уцекачоў накіроўваюцца да межаў з Пакістанам і Іранам, баючыся наступстваў ваеннай апэрацыі супраць Афганістану, што рыхтуюць ЗША.
Паводле дадзеных ААН, толькі з гораду Кандагар, што знаходзіцца паблізу пакістанскае мяжы, уцяклі каля ста тысячаў жыхароў.
Іран і Пакістан зачынілі свае межы з Афганістанам. У кожнай з гэтых краінаў ужо знаходзяцца каля мільёну афганскіх уцекачоў.
Кіраўнік ведамства ААН у справах уцекачоў Рууд Люббэрс заявіў учора, што вельмі занепакоены магчымымі гуманітарнымі наступствамі ўдару ЗША па Афганістану. Ён зазначыў у той жа час, што ня ставіць пад сумнеў права Вашынгтону на адплату за нядаўнія тэракты.
Паводле Люббэрса, на гэтым тыдні ён абмяркуе праблему афганскіх уцекачоў з амэрыканскімі прадстаўнікамі.