ВАШЫНГТОН. Цэнтральная Разьведная Ўправа Злучаных Штатаў заяўляе, што не існуе ніякіх абмежаваньняў на прыцягненьне да працы людзей сумнеўнай рэпутацыі для пранікненьня ў тэрарыстычныя групы. Прэсавы сакратар ЦРУ Біл Харлаў выступіў сёньня з гэтым камэнтаром у адказ на патрабаваньні пашырыць паўнамоцтвы спэцслужбаў. Ён зазначыў, што ЦРУ не пазьбягае кантактаў з асобамі, незалежна ад іх мінулага, якія могуць даць інфарамцыю пра тэрарыстычную дзейнасьць.