Лінкі ўнівэрсальнага доступу

[ 22:07 ]  Злучаныя Штаты ўзмацнілі намаганьні стварыць міжнародны фронт супраць тэрарызму


ВАШЫНГТОН. Злучаныя Штаты ўзмацнілі намаганьні стварыць міжнародны фронт супраць тэрарызму. Дзяржаўны сакратар Колін Паўэл сказаў, што краіны сьвету мусяць зразумець, што характар іхных дачыненьняў з Вашынгтонам будзе залежыць ад іхнага ўдзелу ў антытэрарыстычнай кампаніі Злучаных Штатаў. Паўэл сказаў, што ён атрымаў станоўчыя адказы ў справе барацьбы з тэрарызмам ад Ірану і Сірыі – краінаў, якія раней лічыліся прыхільніцамі тэрарызму. Паўэл ухваліў палітыку Пакістану, які згадзіўся дапамагаць Злучаным Штатам у кампаніі супраць Афганістану, дзе, паводле зьвестак, хаваецца галоўны падазроны на арганізацыю апошніх тэрактаў у ЗША тэрарыст – Усама бін Ладэн. Заўтра Пакістан высылае дэлегацыю да афганскіх талібаў з патрабаваньнем выдаць бін Ладэна. Сярод тых краінаў, якія выказалі падтрымку міжнароднай кампаніі барацьбы з тэрарызмам – Емен. Але Таджыкістан заявіў, што не дазволіць Злучаным Штатам ужываць таджыцкую тэрыторыю для атакаў на Афганістан.
XS
SM
MD
LG