ЕРЭВАН. Прэзыдэнт Расеі Уладзімір Пуцін і прэзыдэнт Арменіі Робэрт Качаран завершылі двухдзённыя перамовы падпісаньнем 10-гадовай праграмы эканамічнага супрацоўніцтва.
Абодва лідэры заявілі ў сумесным камунікэ, што перамовы адбываліся ў “атмасфэры поўнага ўзаемапаразуменьня і згоды”.
Ерэван мае намер перадаць расейскім кампаніям значную колькасьць акцыяў буйных армянскіх прадпрыемстваў у якасьці кампэнсацыі запазычанасьці Расеі, што ацэньваецца ў 100 мільёнаў даляраў.
Пуцін пацьвердзіў гатовасьць Расеі быць гарантам мірнага ўрэгуляваньня нагорна-карабагскага канфлікту.