1. СКОП”Е. Парлямэнт Македоніі сёньня аднаўляе абмеркаваньне прапанаванага Захадам пляну мірнага ўрэгуляваньня этнічнага канфлікту.
Дакумэнт прадугледжвае канстытуцыйныя рэформы, што пашыраюць правы альбанскай меншыні.
Міністар замежных справаў Нямеччыны Ёшка Фішэр, які знаходзіцца зь візытам у Скоп”і, заклікаў македонскіх законатворцаў падтрымаць мірны плян. Фішэр падкрэсьліў важнасьць мірнага ўрэгуляваньня ў Македоніі дзеля бясьпекі рэгіёну.
У выпадку зацьверджаньня пляну парлямэнтам – міратворчыя сілы НАТО працягнуць апэрацыю па збору зброі ў альбанцаў.