Уступленьне Польшчы з 1 траўня ў Эўразьвяз скасоўвала ранейшае аналягічнае пагадненьне, паводле міністра Зінчанкі бакі, заключыўшы новае пагадненьне, запоўнілі праўны вакуўм.
Беларускі ўрадовец паведаміў, што экспарт беларускіх калійных угнаеньняў у Польшчу ў межах эўрапейскай квоты будзе адбывацца на ранейшых умовах. Менск таксама зьвярнуўся да Варшавы з просьбай спрыяць пашырэньню квотаў на экспарт у Эўропу беларускага тэкстылю.
Польскі міністар адзначыў, што пасьля ўступленьня ў Эўразьвяз Польшча будзе зацікаўленая ў захаваньні традыцыйнага імпарту беларускіх тавараў.
Меркавалася, што ўчора ў Варшаву для ўдзелу ў Эўрапейскім эканамічным форуме прыедзе прэм’ер-міністар Беларусі Сяргей Сідорскі. Але паводле тлумачэньняў МЗС Беларусі, неабходнасьць выканаць тэрміновыя даручэньні кіраўніка дзяржавы не дазволілі Сідорскаму наведаць Польшчу. Беларуская ўрадавая дэлегацыя наагул не паехала на форум.
Гл. таксама
СІДОРСКІ НЕ ПАЕХАЎ НА ЭЎРАПЕЙСКІ ЭКАНАМІЧНЫ ФОРУМ У ВАРШАВУ