Пры гэтым кіраўнік дзяржавы адзначыў, што атамная энэргія – танная і выгадная, існуюць абсалютна бясьпечныя рэактары, і псыхалягічны бар’ер паступова зьнікае.
Аднак паводле Лукашэнкі краіна яшчэ ня вычарпала іншых магчымасьцяў здабыцьця энэргіі, прынамсі, біяпаліва, лясы, гідраэлектрастанцыі. Кіраўнік дзяржавы выказаў меркаваньне, што пытаньне пра пабудову ў Беларусі АЭС будзе вырашацца ўжо пасьля яго.
Ён таксама распавёў пра дасьледаваньні ўзроўню здароўя насельніцтва, якое жыве ў пацярпелых ад Чарнобылю раёнах. Паводле дадзеных, на якія спаслаўся кіраўнік дзяржавы, стан здароўя людзей, якія жывуць у зоне і вядуць гаспадарку, палепшыўся, праўда, паляпшэньне нязначнае і адбываецца марудна.
Аляксандар Лукашэнка паабяцаў узмацніць сацыяльную палітыку на заражаных тэрыторыях, будаваць дарогі, забясьпечваць насельніцтва чыстай вадой і экалягічна чыстым палівам.