Лінкі ўнівэрсальнага доступу

У БЕЛАРУСІ ДА КАНЦА 2007 ГОДУ ПРАЦЯГНУЛІ МАРАТОРЫЙ НА ПРОДАЖ СУПРАЦЬПЯХОТНЫХ МІНАЎ


Алег Грузьдзіловіч, Менск

10 гадоў таму Беларусь таксама падпісала міжнародную канвэнцыю аб забароне гэтай зброі, аднак дагэтуль яе не ратыфікавала. Праблема ў тым, што пасьля ратыфікацыі Беларусь павінна была бы за 4 гады зьнішчыць усе запасы супрацьпяхотных мінаў, але ўлады сьцьвярджаюць, што на гэта няма грошай.

Беларусь займае 7-е месца ў сьвеце па запасах мінаў, якіх у яе сховішчах 4,5 мільёна. Зь іх больш за 3 мільёны — вадкасныя міны з пратэрмінаваным часам захоўваньня. Іх немагчыма зьнішчыць звычайнымі тэхналёгіямі, а толькі ў адмысловый плязмавай устаноўцы коштам да 5 мільёнаў даляраў. Беларусь магла бы аб’яднаць намаганьні дзеля набыцьця такой устаноўкі з Расеяй і Ўкраінай, але Расея не зьбіраецца адмаўляцца ад выкарыстаньня супрацьпяхотных мінаў з прычыны вайсковых дзеяньняў у Чачэніі ды іншых гарачых кропках.

“Нам застаецца толькі спадзявацца на фінансавую дапамогу заходніх краінаў”, — лічыць начальнік інжынэрных войскаў Беларусі палкоўнік Сяргей Лучына.
XS
SM
MD
LG