Лінкі ўнівэрсальнага доступу

УЛАДЫ ПАПЯРЭДЗІЛІ АКТЫВІСТКУ ПАРТЫІ СВАБОДЫ


Альгерд Невяроўскі, Менск

Адміністратыўная камісія Кастрычніцкага раёну Менску разглядала справу актывісткі БПС Алены Жук, якая разам са сваімі сябрамі месяц таму раздавала мінакам улёткі з заклікам удзельнічаць у акцыі “За незалежнасьць!” Усіх іх затрымалі міліцыянты за распаўсюд незарэгістраванай друкаванай прадукцыі.

Дзьве юрысткі з раённай адміністрацыі сёньня доўга разьбіралі беларускамоўны тэкст улёткі. Дзяўчына вінаватай сябе не прызнала, бо заклікала людзей удзельнічаць у дазволенай уладамі акцыі. Аднак чыноўніцы зрабілі выснову, што Алена парушыла закон, і далі ёй адміністратыўнае папярэджаньне. Алена Жук так пракамэнтавала гэтае рашэньне:

(Жук: ) “Я ня ведаю, чаго яны мяне выклікалі. Калі проста вынесьці папярэджаньне, то гэта яны маглі зрабіць адразу, на месцы. Гэтая справа ляжала месяц. Я думаю, з-за таго, што проста ў краіне мянялася палітычная сытуацыя. Чаму яны вынесьлі даволі мяккае пакараньне — папярэджаньне? Думаю, проста спалохаліся ўвагі, якую яны прыцягнулі гэтай справай”.

Справы яе сяброў Ільлі Ядранцава, Дзяніса Більдзюка й Віктара Гары будуць разглядаць пазьней.
XS
SM
MD
LG