З гэтае нагоды гарадзкая арганізацыя БСДП НГ прыняла адмысловы зварот да грамадзкасьці Віцебска, дзе гаворыцца: “За 11 гадоў існаваньня нашай партыі ўлады ніводнага разу не ўключылі прадстаўніка ад сацыял-дэмакратычнай партыі ў склад гарадзкой камісіі. Відавочна, што ўлады такім чынам пазьбягаюць галоснасьці падчас правядзеньня будучых выбараў у мясцовыя саветы. У сувязі з гэтым мы прынялі рашэньне вылучыць абласнога кіраўніка БСДП НГ Аляксея Гаўруцікава ў якасьці кандыдата на выбарах у гарадзкі савет у адной акрузе зь цяперашнім старшынём Віцебскага гарадзкога савету Генадзем Грыцкевічам. Няхай выбаршчыкі вырашаюць, хто зь іх найбольш варты іхнага даверу!”
Гэты зварот партыйцы перадалі ва ўсе незалежныя СМІ.
