Лінкі ўнівэрсальнага доступу

У МАГІЛЁВЕ ВЫЙШАЎ ПЕРШЫ НУМАР МАЛАДЗЁВАЙ ПРАВААБАРОНЧАЙ ГАЗЭТЫ “ПРЫГЛЕДЗЬСЯ”


Аляксандар Сердзюкоў, Магілёў

Першы нумар газэты “Прыгледзься” накладам 299 асобнікаў маладзёны распаўсюджвалі ў школах і прафэсійна-тэхнічных вучэльнях, што выклікала незадавальненьне пэдагогаў. Напрыклад, у школе №11 і вучэльні №33 у распаўсюднікаў цікавіліся, за якія грошы яны друкуюць газэту, і абяцалі паведаміць пра гэта іхным бацькам.

Дзеці ў выданьні абвінавачваюць настаўнікаў у парушэньні закону і канвэнцыі аб правах дзіцяці. Аўтары выданьня лічаць, што правы дзяцей парушаюцца, калі іх прымушаюць прыбіраць тэрыторыю падчас урокаў, здаваць бацькоўскія грошы на будаўніцтва школаў, пазбаўляюць датацыяў іна харчаваньне, а дзяржава затрымлівае заробкі іхным бацькам.

Вось што адказала рэдактар газэты Вольга Гарошка на пытаньне, для чаго створаная газэта:

(Гарошка: ) “Каб дапамагчы людзям у іхных праблемах. Каб яны зьвярталіся, а мы заўсёды дапаможам”.

З гэтай жа мэтай свораны аргкамітэт аб'яднаньня “Дзіцячая прававая абарона”. Сярод заснавальнікаў маладзёвай праваабарончай арганізацыі больш як дзесяць навучэнцаў. Яны спадзяюцца знайсьці праз газэту новых прыхільнікаў.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG