(Боруўка: ) “Мiнiстэрства замежных справаў пра пагрозы беларускага боку, вядома, паiнфармаванае. Маем мы iнфармацыю таксама ад нашага прадстаўнiцтва ў Менску. Беларускi дакумэнт мы возьмем да ведама. Аднак на нашае рашэньне – выдаць цi ня выдаць вiзу прэзыдэнту Лукашэнку – ён ня будзе мець анiякага ўплыву. Гэтае рашэньне будзе прымацца толькi чэскiм бокам, мы прымем яго найблiжэйшам часам i, вядома, паведамiм яго прэсе”.
(Карэспандэнтка: ) “А цi вядома вам, што меў на ўвазе беларускi бок, калi пагражаў зрабiць самыя жорсткiя захады?”
(Боруўка: ) “Не, не. Мы ня ведаем дакладны зьмест гэтых крокаў. Але яшчэ раз падкрэсьлiваю: на нашае рашэньне наконт таго, выдаваць цi не выдаваць вiзу, гэты факт ня будзе мець анiякага ўплыву. Мы больш схiльныя да думкi вiзу не выдаваць”.
