“Такое злоснае навешваньне ярлыкоў на мяне і іншых замежнікаў, якія спрабавалі дапамагчы роспачным людзям Беларусі, навешваньне ярлыкоў на дэмакратычных актывістаў, дыскрэдытуе ўрад Беларусі, паказваючы яго як гістэрычную і занадта ўражлівую рэпрэсіўную ўладу, што цынічна ставіцца да сваіх абавязкаў у галіне правоў чалавека”, – піша спн. Фіцпатрык у адмысловай заяве для прэсы.
Пры канцы сваёй заявы Кэты Фіцпатрык называе Анатоля Лябедзьку патрыётам і дэмакратам, далёкім ад якога б то ні было здрадніцтва.
Што да сваёй асобы, то Фіцпатрык кажа, што ганарыцца прыпісаным ёй званьнем “шпіёна” ў справе дэмакратыі і правоў чалавека, якую Лябедзька прадстаўляе у Беларусі.
