Менскі гарвыканкам ня даў дазволу прадстаўнікам Партыі камуністаў прайсьці 7 лістапада ад Кастрычніцкай плошчы да сталічнага парку імя Горкага. У парку апазыцыйныя да ўладаў камуністы Сяргея Калякіна зьбіраліся правесьці традыцыйны сьвяточны мітынг.
Менскія ўлады прапанавалі іншы маршрут — ад Нацыянальнай Акадэміі навук да плошчы Бангалор. Як сказала Алена Скрыган, кіраўніцтва партыі вымушанае было пагадзіцца з гэтым.