Лінкі ўнівэрсальнага доступу

МІЖНАРОДНАЯ ЎЗНАГАРОДА ДЛЯ БЕЛАРУСКАГА ЖУРНАЛІСТА


Сяргей Навумчык, Прага

Нагадаем, што апошнім часам Аляксандар Старыкевіч быў галоўным рэдактарам прафсаюзнай газэты “Беларускі час”, адкуль звольнены новым Старшынём Фэдэрацыі прафсаюзаў Леанідам Козікам. Мы патэлефанавалі ў Брусэль і папрасілі Аляксандара Старыкевіча распавесьці, на што ён зьвяртаў увагу падчас атрыманьня ўзнагароды.

(Старыкевіч: ) “Адзін з галоўных тэзысаў маёй прамовы быў: Беларусь – гэта добрая краіна, якая апынулася ў складаным становішчы, якое цяпер вымагае ўвагі і падтрымкі з боку міжнароднай супольнасьці – і ў галіне прэсы, і ў галіне недзяржаўных арганізацыяў, правоў чалавека.

Да пэўнай ступені мне ўдалося прыцягнуць увагу эўрапейскіх палітыкаў. Я гаварыў і пра сытуацыю са сродкамі масавай інфармацыі, і з прафэсійнымі саюзамі,і з палітычнымі забойствамі. Адбылася ня толькі прамова, але і гутарка з шэрагам досыць высокапастаўленых асобаў”.

(Карэспандэнт: ) Якая Ваша далейшая праграма знаходжаньня ў Брусэлі?

(Старыкевіч: ) “У мяне ўжо адбылася сустрэча з дэпутаткай Эўрапарлямэнту Глен Кінак. Шэраг сустрэчаў у мяне прайшлі як у сябра Рады БНР. Потым адсюль я палячу ў Гэльсынкі, дзе плянуецца сустрэча зь міністрам замежных справаў і з шэрагам іншых асобаў”ю
XS
SM
MD
LG