Будаўнікі абражаныя заявай спадара Лукашэнкі, які назваў 60% беларусаў п’яніцамі і нягоднікамі. Паводле меркаваньня будаўнікоў, бальшыню беларусаў давёў да п’янства менавіта Аялксандар Лукашэнка, пасьля праўленьня якога, як яны пішуць у лісьце, шкварка зьнікла, а чарка засталася.
Будаўнікі скардзяцца на маленькія заробкі, якія дазваляюць купляць толькі нізкаякасныя танныя напоі, у той час як беларускі “бацька” на прэсавай канфэрэнцыі хваліцца, што амбасадар Армэніі ў Рэспубліцы Беларусь прыносіць яму армянскі каньяк. Падпісанты нагадваюць спадару Лукашэнку, што яны хоць і ужываюць суррагаты, у адрозьненьне ад яго, але ў іх чыстыя рукі і чыстае сумленьне.
