На кандытарскай фабрыцы “Спартак” пацьвярджаюць, што гарачае лета ўскладніла выпуск шакалядных цукерак. Ад высокай тэмпературы яны не астуджаюцца, да таго ж, як кажуць тут, “сівеюць” – гэта калі на паверхні шакяладу крышталізуецца ў выглядзе белаватага налёту какава-алей.
Што да разьмяклых гатовых цукерак, якія псуюцца на складах і вяртаюцца на перапрацоўку, то на фабрыцы на гэтую тэму адмаўляюцца даваць які-небудзь камэнтар.
Старшыня праўленьня акцыянэрнага таварыства “Спартак” Ганна Серанок ў сваю чаргу заўважыла:
(Серанок: ) “Вы ж бачыце, якая ў нас гарачыня – да 50 градусаў. Вось і ўвесь адказ. Вельмі нізкі і попыт пакупнікоў. Лета, эканоміка ляжыць. У асноўным людзі пераходзяць на гародніну, садавіну. Мы ж гналі тэмпы, аб’ёмы”.
У абласным цэнтры гігіены і эпідэміялёгіі пацікавіўся, як санітарная служба ставіцца да ацэнкі якасці перарапрацаваных цукерак. Распавядае загадчыца аддзелу гігіены харчавання Людміла Скаромная.
(Скаромная: ) “Мы па паказьніках бясьпекі ацэньваем, якія рэглямэнтуюцца санітарнымі правіламі 11-63. Гэта – ступень мікрабіялягічнай чысьціні і ўтрыманьне соляў цяжкіх мэталаў. Вось і ўсё. Іншыя паказьнікі не ўваходзяць у функцыю сандзяржднагляду. Шакалядныя цукеркі сэртыфікуюцца, і таму іх спажывецкія якасці кантралюе цэнтар стардартызацыі і мэтралёгіі. Наша галіна кантролю – гэта паказьнікі бясьпекі, – сьцвярджае Людміла Скаромная.
Колькі шакаляднай прадукцыі вернута са складоў у цэхі на перапрацоўку, сказаць цяжка. Што ж да аб’ёмаў выпуску цукерак, то за сем месяцаў гэтага году “Спартак” не дацягнуў на леташняга ўзроўню самы мізэр – меней чым 50 кіляграмаў.
