Лінкі ўнівэрсальнага доступу

БЕЛАРУСЫ ПРАГНУЦЬ КУПІЦЬ ЭЎРА, АЛЕ ІХ У АБМЕННЫХ ПУНКТАХ НЯМА


Юры Сьвірко, Менск

Паводле сёньняшняга афіцыйнага курсу Нацыянальнага банку Беларусі, даляр пакуль даражэйшы за эўра: адзін даляр каштуе 1815 беларускіх рублёў, а адзін эўра на 7 рублёў 35 капеек менш (1807,65). Аднак жыхары Беларусі так ня лічаць.

Апошнімі днямі ў абменных пунктах Менску ўсё часьцей пытаюцца пра наяўнасьць эўра. Аднак купіць іх амаль немажліва. Людзі здаюць на абмен толькі даляры, якіх у Беларусі шмат і якія некалькі гадоў выконвалі функцыю галоўнай умоўнай адзінкі ў краіне.

Праўда, у некаторых сфэрах даляр паціху замяшчаецца новай валютай — напрыклад, мыта за імпартныя аўтамабілі ў Беларусі афіцыйна разьлічваецца ў эўра. Гэта значыць, што кошт “растаможкі” ў беларускіх рублях павялічыўся.
XS
SM
MD
LG