Лінкі ўнівэрсальнага доступу

У НАВАПОЛАЦКУ ПАБАЧЫЎ СЬВЕТ ПЕРШЫ НУМАР ШМАТТЫРАЖНАЙ ГАЗЭТЫ ВЫТВОРЧАГА АБ’ЯДНАНЬНЯ “ПАЛІМІР”


Вінцэсь Мудроў, Наваполацак

Калі ўлічыць, што за апошнія пяць гадоў выхад заводзкіх шматтыражак масава прыпыняўся (у адным толькі Наваполацку прыпынены выхад двух шматтыражак), зьяўленьне на сьвет “Полимировца” трэба разглядаць як падзею неардынарную. У сваім інтэрвію, зьмешчаным у першым нумары газэты, Аляксандар Бароўскі выказаў спадзеўку, што “Полимировец” стане своеасаблівым сувязным зьвяном паміж працоўным калектывам і дырэктаратам, напоўніцу высьветліць праблемы прадпрыемства. “Я хачу, каб нашая газэта была адкрытай, каб яна не трансфармавалася ў трыбуну адміністрацыі”, – заявіў генэральны дырэктар.

“Полимировец” – газэта расейскамоўная, але мае беларускамоўную рубрыку “Дзяньніца”, у якой неабыякавыя да літаратурнай творчасьці паліміраўцы спрабуюць свае сілы ў паэзіі і прозе. Сёлета шматтыражка будзе выходзіць 2 разы на месяц накладам 299 паасобнікаў, але з новага году на яе будзе абвешчаная падпіска і наклад узрасьце.
XS
SM
MD
LG