Лінкі ўнівэрсальнага доступу

СТАРШЫНЯ РАДЫ БНР НАКІРАВАЛА НОТУ НА АДРАС МЗС РАСЕЙСКАЙ ФЭДЭРАЦЫІ


Сяргей Навумчык, Вільня

"У сваім інтэрвію маскоўскай газэце "Известия" 10 ліпеня 2002 года, якое было перадрукаванае са скарачэньнямі ў варшаўскай "Rzeczpospolita" 11 ліпеня 2002 года, – гаворыцца ў Ноце, – міністар замежных справаў Расейскай Фэдэрацыі Ігар Іваноў выказаўся за стварэньне "транзіту", які дасьць магчымасьць свабоднага праезду грамадзянаў РФ у Калінінград праз тэрыторыю Літоўскай Рэспублікі.

На пытаньне, як разумець паняцьце "транзіт", міністар адказаў: "Рух праз тэрыторыю Літвы ад адной расейскай мяжы да другой".

Аднак міністар замежных справаў Расеі ня можа ня ведаць, што Літва, акрамя мяжы з Калінінградзскай вобласьцю, ня мае другой мяжы з Расеяй — яна мяжуе зь Беларусьсю. Трэба меркаваць, што менавіта гэтую мяжу і мае на ўвазе міністар", -- гаворыцца ў Ноце Старшыні Рады БНР.

Івонка Сурвілла лічыць, што "такая заява кіраўніка расейскага замежнапалітычнага ведамства ня можа быць вынікам звычайнай агаворкі. Гэтыя словы выяўляюць ігнараваньне Масквой Беларусі як незалежнай і сувэрэннай дзяржавы, што абсалютна недапушчальна ў практыцы міждзяржаўных стасункаў", -- адзначаецца ў ноце Івонкі Сурвілы, накіраванай на адрас міністэрства замежных справаў Расеі.
XS
SM
MD
LG