Свой ліст маладафронтаўцы адрасавалі генэральнаму пракурору Віктару Шэйману, бо паводле Паўла Севярынца, менавіта тут, а не ў гарадзенскім судзе, вырашаецца лёс Міколы Маркевіча й Паўла Мажэйкі. Гаворыць Павал Севярынец:
(Севярынец: ) “Заяву не хацелі прымаць, бо пракурор прымае заявы, калі яны пройдуць усе інстанцыі. На што я патлумачыў, што зьвяртаюся адразу да пракурора генэральнага, бо я ведаю, дзе прымалася рашэньне па “Пагоні”. І менавіта да спадара Шэймана ў мяне ўсе пытаньні”.
Маладафронтаўцы намерваюцца правесьці шэраг акцыяў пратэсту ў выпадку, калі гарадзенскіх журналістаў суд не апраўдае.