Аднак Лукашэнка адзначыў, што шэраг крокаў NATO супярэчаць інтарэсам Расеі, у прыватнасьці, прыём у альянс балтыйскіх дзяржаваў. Адмову Масквы ўдзельнічаць ў праскім саміце NATO Лукашэнка пракамэнтаваў наступным чынам: “Нібы нядаўна пабраліся шлюбам, а спаць кладуцца паасобку”.
Робэрт Качаран са свайго боку адзначыў, што Ерэван зацікаўлены ў тым, каб інтарэсы Расеі і NATO на Каўказе не сутыкаліся. Ён мяркуе, што супярэчнасьці паміж Расеяй і NATO застаюцца, аднак зьявіўся мэханізм іх вырашэньня. Армянскі прэзыдэнт мяркуе, што калі Расея ў перамовах з NATO будзе ўлічваць інтарэсы дзяржаваў, што ўваходзяць у дамову пра калектыўную бясьпеку, то гэтыя дзяржавы выйграюць ад гэтага.
