Сама вайсковая пракуратура прызнаць віну і плаціць грошы сям’і пацярпелай адмаўлялася. Сьледчыя вайсковай пракуратуры, якія і расьсьледавалі інцыдэнт, вырашылі, што ў сваёй сьмерці вінаватая сама пацярпелая.
Нагадаем, гэтая справа цікавая яшчэ і тым, што Фёдар Ардзяка, які кіраваў аўтамабілем, ёсьць сынам старшыні гарадзкога суду Міхаіла Ардзякі. Гэтыя абставіны падаліся падазронымі праваабаронцам, калі яны даведаліся, што крымінальная справа паводле сьмерці жанчыны закрытая. Яны зьвярнуліся з шэрагам скаргаў у праваахоўчыя структуры, а таксама да мэдыяў.
У выніку расьсьледаваньне было распачатае зноў, але цяпер яго вядзе транспартная пракуратура. А менскі раённы суд ужо вызначыўся наконт віны вайсковай пракуратуры.
