За апошнія 3 гады па афіцыйны статус уцекача ў абласную міграцыйную службу зьвярнуліся больш за 200 чалавек. Атрымалі ж яго толькі 20 – у асноўным грамадзяне Афганістану, Таджыкістану ды Палестыны.
Сёлета віцебскай міграцыйнай службе на афіцыйнае прызнаньне уцекачом прызначаная пэўная квота – роўна 50 чалавек. Паводле словаў супрацоўнікаў міграцыйнае службы, гэта усяго каля 10% ад агульнай колькасьці тых, хто зьвяртаецца да іх па афіцыйны статус. Тым часам прытулак для іх разьлічаны ўсяго на 22 стацыянарных месцы, ды пры пільнай неабходнасьці тут змогуць разьмясьціцца яшчэ 8 чалавек. Суцяшае хіба тое, што падобныя ўстановы плянуецца стварыць у кожным абласным цэнтры, сярод якіх Віцебск днямі стаўся першым.
