(Тарасаў: ) “Я стаўлюся станоўча — таму што ёсьць людзі, якія ня маюць звычкі чытаць на беларускай мове. Таму зьвярнуцца да іх праз газэту “Наша свабода” з пэўнымі палітычнымі прапановамі мае сэнс. Я ўзяў удзел як аўтар калёнкі, і гэта мая аўтарская рэакцыя на тое, што мяне сёньня хвалюе. Гэта спантаннае выказваньне самога сябе. І надалей калёнка будзе выглядаць так, як і цяпер выглядае. Гэта тое, што мне цікава, таму для мяне ня мае значэньня, на якой мове яна будзе напісаная”.
Галоўны рэдактар “Нашай свабоды” Павал Жук падкрэсьліў, што расейскамоўны праект не зьяўляецца замахам на беларускую мову. “Наша свабода” будзе выходзіць па-беларуску і надалей, а “Палітыка” зьяўляецца толькі вымушаным сродкам для падвышэньня рэйтынгу і пашырэньня яе чытацкіх колаў.
