Мы папрасілі Аляксандра Дабравольскага падзяліцца ўражаньнямі ад праскіх спатканьняў:
(Дабравольскі: ) “Мы сустракаліся з палітыкамі, якія ўваходзяць у Палату Прадстаўнікоў, з сэнатарамі, з палітычнымі аналітыкамі. Сёньня дзень быў прысьвечаны вывучэньню сыстэмы сродкаў масавай інфармацыі ў Чэхіі і яе ўзьдзеяньня.
Агульныя ўражаньні такія, што чэхі думаюць аб тым, што робіцца ў Беларусі. Далёка ня ўсе ведаюць рэальную сытуацыю, але хацелі б дапамагаць, і вось мне здаецца, што нашае супрацоўніцтва магло б быць вельмі карысным. Мы хацелі б прапанаваць чэскаму парлямэнту правесьці слуханьні па праблеме правоў чалавека ў Беларусі. Мы перадалі лісті ад жонак тых палітыкаў і журналістаў, якія зьніклі ці пацярпелі ад рэпрэсій у Беларусі, Вацлаву Клаўсу, старшыні парлямэнту, а таксама ўсім лідэрам фракцый.
Мы спадзяемся, што той досьвед і тыя кантакты, якія атрымаюць маладыя людзі, будзе ім карысны ў іх палітычнай працы ў нашай краіне. Бо ім нялёгка, і яны бачаць, што яны не адныя, што іх падтрымліваюць, што зь імі вельмі шмат розных арганізацыяў і зь імі ўсе дэмакратычныя краіны. Я думаю, што гэта надасьць ім новыя сілы”.
