Лінкі ўнівэрсальнага доступу

У МАСКВЕ ПАЧАЎСЯ САМІТ ЭЎРАЗІЙСКАЙ ЭКАНАМІЧНАЙ СУПОЛЬНАСЬЦІ


Віктар Дзятліковіч, Масква

Прэзыдэнт Уладзімер Пуцін патлумачыў, што для дзяржаваў Эўразійскай эканамічнай супольнасцьці прымальнымі ёсьць менавіта тыя ўмовы, на якіх Расея зьбіраецца далучацца да Ўсясьветнай гандлёвай арганізацыі. Паводле Пуціна, “Расеі прасьцей весьці перамовы, з увагі на яе эканамічны патэнцыял”.

Апроч таго, сёньня прэзыдэнт дамовіліся распрацаваць мэханізм аховы ўнутраных рынкаў краінаў супольнасьці і ўзгадняць сваю памежную палітыку.

Заўтра Аляксандар Лукашэнка застанецца ў Маскве і возьме ўдзел у паседжаньні Рады калектыўнай бясьпекі краінаў СНД. Менавіта 14 траўня споўніцца 10 год ад падпісаньня дамовы аб калектыўнай бясьпецы. Аднак зараз яна амаль ня дзейнічае. У 1999 годзе зь яе выйшлі Азэрбайджан, Грузія ды Ўзбэкістан, якія пачалі шчыльна супрацоўнічаць з Паўночна-Атлянтычным альянсам. Хутчэй за ўсё, самым вострым пытаньнем на заўтрашняй сустрэчы стане зьяўленьне амэрыканскіх войскаў у краінах Сярэдняй Азіі, у тым ліку і на тэрыторыі Кыргыстану, які ёсьць удзельнікам дамовы аб калектыўнай бясьпецы.
XS
SM
MD
LG