Лінкі ўнівэрсальнага доступу

“НАРОДНАЯ ГРАМАДА” ШУКАЕ ПРЫХІЛЬНІКАЎ НА ГОМЕЛЬШЧЫНЕ


Казімер Яноўскі, Гомель

У 21 раёне Гомельшчыны існуе толькі шэсьць суполак сацыял-дэмакратычнай партыі “Народная Грамада”. Лідэр партыі Мікалай Статкевіч лічыць, што пацярпелыя ад Чарнобылю раёны, якія жывуць за кошт грашовых датацыяў зь бюджэтаў вобласьці і краіны, традыцыйна схіляюцца да ўлады. Але гэта не азначае, што ідэі сацыял-дэмакратыі насельніцтву чарнобыльскіх раёнаў чужыя.

Распавядае Мікалай Статкевіч:

(Статкевіч: ) “Я думаю, што ідэя сацыяльнай справядлівасьці для гэтага рэгіёну, які так пацярпеў ад Чарнобылю, найбольш блізкая. Але тут заўсёды праблема ў канкрэтных людзях. На жаль, з гарадоў, якія знаходзяцца ў чарнобыльскай зоне, вельмі шмат актыўных людзей зьехала. У цэнтры ж любой арганізацыі стаіць гэткі чалавек-матор – энэргічны чалавек, які ня толькі нясе пэўную ідэалёгію, але і зьяўляецца арганізатарам”.

Цягам двухдзённай паездкі па рэгіёне лідэр “Народнай Грамады” ўжо знайшоў сваіх новых прыхільнікаў у Жыткавічах і Мазыры. У апошнім горадзе да сацыял-дэмакратаў далучыўся нават старшыня Свабоднага прафсаюзу нафтаперапрацоўчага заводу Юры Швец.

На думку актывістаў “Народнай Грамады”, сувязь з прафсаюзамі дасьць большы прыток у партыю працоўнага люду, а ўдзел у выбарах падвысіць ейны аўтарытэт сярод насельніцтва — гэта асабліва важна. Сацыял-дэмакраты не выключаюць, што Аляксандар Лукашэнка захоча падоўжыць свой тэрмін паўнамоцтваў. Меркаваньне на гэты конт спадара Статкевіча:

(Статкевіч: ) “Цяпер толькі 25% насельніцтва падтрымлівае спадара Лукашэнку. Гэта найбольш дакладныя зьвесткі сацыялягічных інстытуцыяў, якія нам вядомыя. Аднак звыш 60% не падтрымлівае нікога. Такім чынам, поле пустое, і яго трэба займаць. Галоўная мэта — стварэньне ў вачах насельніцтва альтэрнатывы гэтай уладзе, і асабліва перад тым, што спадар Лукашэнка хутчэй за ўсё пойдзе на рэфэрэндум адносна працягу сваіх паўнамоцтваў. Людзі павінны, калі яны будуць змагацца супраць, ведаць альтэрнатыву, навошта ім трэба гэта рабіць”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG