Лінкі ўнівэрсальнага доступу

НАВІНЫ ЎСЯСЬВЕТНАЙ КУЛЬТУРЫ


Сяргей Шупа, Вільня

Падчас абвяшчэньня навінак сэзону музычны дырэктар тэатру Антоніё Папана зазначыў, што новая пастаноўка мусіць надаць больш прагрэсіўны вобраз тэатру, які часта крытыкуюць за кансэрватыўнасьць і элітарнасьць. Рэжысэрам опэрнага спэктаклю будзе Трэвар Нан, вядомы сваімі пастаноўкамі брадвэйскіх мюзыклаў. Паведамляецца, што кошты білетаў на новую опэру ня будуць перавышаць 70 даляраў, каб прыцягнуць у тэатар новую, менш арыстакратычную аўдыторыю.

ЛЁНДАН. Галівудзкая супэрзорка Робэрт Дэ Ніра і легендарны брытанскі рок-гурт “Queen” абвясьцілі аб выхадзе на сцэны новага мюзіклу “We Will Rock You”, заснаванага на музыцы “Queen”. Ідэя мюзыклу ўзьнікла на Вэнэцыянскім кінафэстывалі ў 1996 годзе, дзе перад конкурсным фільмам Дэ Ніра дэманстравалася некалькі кароткіх фільмаў пра славуты рок-гурт. Пастаноўку мюзыклу фінансуе прад’юсэрская кампанія Дэ Ніра. Аўтар сцэнару Бэн Элтан сказаў, што новы твор спалучае ў сабе дух фільмаў “Матрыца”, “Тэрмінатар-2” і легендаў пра караля Артура і рыцараў Круглага Стала. Прэм’ера мюзыклу адбудзецца ў Лёндане 14 траўня.

ЛОС-АНДЖЭЛЕС. Амэрыканка аўстрыйскага паходжаньня Марыя Альтман патрабуе ад ураду Аўстрыі вярнуць ёй шэсьць карцінаў Густава Клімта, нібыта адабраных у яе сям’і нацыстамі. Згаданыя карціны захоўваюцца ў Нацыянальнай Галерэі ў Вене і ацэньваюцца на 150 мільёнаў даляраў. Паводле адвакатаў аўстрыйскага ўраду, карціны падаравала музэю цётка пазоўніцы – Адэле Блох-Баўэр. Сярод шасьці карцінаў – славуты партрэт гэтай самай цёткі, які лічыцца шэдэўрам авангарднага мастацтва.

РАМАЛАГ (ПАЛЕСТЫНСКАЯ АЎТАНОМІЯ). Галівудзкі рэжысэр Олівэр Стоўн зьняў на на стужку сустрэчу з палестынскім лідэрам Ясірам Арафатам, наведаўшы на мінулым тыдні ягоную сядзібу ў Рамалагу. Паведамляецца, што Стоўн здымае фільм, прысьвечаны ваенным канфліктам, аднак сам ён адмовіўся абмяркоўваць свой новы праект, які ён ажыцьцяўляе разам з гішпанскімі й францускімі тэлежурналістамі. Олівэр Стоўн атрымаў прэмію “Оскар” у 1986 годзе за фільм “Узвод”, прысьвечаны вайне ў Віетнаме.

ВАШЫНГТОН. Падлеткі, якія глядзяць тэлевізар больш чым адну гадзіну за дзень, будуць мець значна большую схільнасьць да гвалту, чым тыя, хто глядзіць менш за гадзіну. Да такіх высноваў прыйшлі дасьледнікі з Калюмбійскага Ўнівэрсытэту ў Нью-Ёрку, якія на працягу 17 гадоў дасьледавалі 707 дзяцей і падлеткаў і параўноўвалі вынікі апытаньняў з крымінальнай статыстыкай. Найбольшая розьніца ў выніках назіраецца на мяжы адной гадзіны штодзённага глядзеньня – агрэсіўнасьць тых, хто праводзіць за экранам больш за гадзіну штодня, павышаецца ў чатыры разы. У сярэднім за адну гадзіну на тэлеэкране паказваецца да пяці актаў жорсткасьці.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG