Пра гэта паведамляецца ў прэсавым рэлізе, распаўсюджаным Кансультацыйна-назіральнай групай АБСЭ ў Беларусі 31 студзеня, са спасылкай на кіраўніцу адмысловай рабочай групы ў справах Беларусі Уту Цапф.
Паводле спадарыні Цапф, высновы, якія зробіць адмысловая група падчас знаходжаньня ў Менску 3–5 лютага, пакладуцца ў аснову дакладу, што будзе прадстаўлены Сталаму камітэту 21 лютага.
"Місія адмысловай групы, — паведаміла Ута Цапф, — заключаецца ў ацэнцы і абмеркаваньні прагрэсу ў галіне ўстаноўленых крытэраў: празрыстасьці выбарчага працэсу, свабоды мэдыяў і доступу апазыцыі да дзяржаўных СМІ, адсутнасьці дыскрымінацыі палітычных апанэнтаў і значных функцыяў і паўнамоцтваў парлямэнту".