Лінкі ўнівэрсальнага доступу

logo-print

ПРАДСТАЎНІКІ БЕЛАРУСКІХ УЛАДАЎ ПРАІГНАРАВАЛІ РАЗЬВІТАЛЬНЫ ПРЫЁМ АМБАСАДАРА ВІКА


Уладзімер Глод, Менск

На разьвітальным прыёме прысутнічалі замежныя дыпляматы, лідэры палітычных партыяў, кіраўнікі няўрадавых грамадзкіх арганізацыяў, журналісты незалежных мэдыяў. На гэтым тле адразу кідалася ў вочы адсутнасьць прадстаўнікоў афіцыйных уладаў. Амбасадар Вік з гэтай нагоды ў сваёй разьвітальнай прамове адзначыў:

(Вік: ) "Сёньня тут вялікая колькасьць гасьцей. Тым ня менш вы не павінны думаць, што мы не запрасілі сюды прадстаўнікоў афіцыйнага боку. Яны былі запрошаныя таксама, як і вы. На жаль, падобны інцыдэнт ужо быў сёлета, 15 студзеня, калі мы сьвяткавалі 25 угодкі падпісаньня Гэльсінскіх пагадненьняў. Тым ня менш, дыялёг з Беларусяй працягваецца".

Хаця асабіста для Віка надышоў час зьяжджаць зь Беларусі, КНГ будзе працягваць сваю працу, паколькі дагэтуль не выканала галоўную задачу – правядзеньне свабодных і справядлівых выбараў.

(Вік:) "На жаль, КНГ АБСЭ пры падтрымцы эўрапейскіх інстытутаў не змагала дамагчыся, каб ейныя рэкамэндацыі садзейнічалі стварэньню ўмоваў для правядзеньня дэмакратычных выбараў, якія маглі б быць прызнанымі гэтымі інстытутамі. Тым ня менш, за гэтыя чатыры гады прайшлі перамовы паміж прадстаўнікамі прэзыдэнта і Кансультацыйнай рады апазыцыйных палітычных партыяў, якая была стовараная дзеля правядзеньня сустрэчаў, кансультацыяў у пытаньнях лібэралізацыі, дэмакратычных рэформаў. Гэткі падыход атрымаў шырокую падтрымку кіраўнікоў дзяржаваў і ўрадаў удзельнікаў Стамбульскага саміту ў лістападзе 1999 года. Гэткі падыход можа быць узноўлены ў любы момант".

Амабасадар сказаў, што, хаця і пакідае Беларусь, але будзе працягваць займацца беларускімі праблемамі. Ён таксама выказаў шкадаваньне, што ягоны пераемнік пакуль афіцыйна не прызначаны і таму яны не змаглі сустрэцца ў Менску. Тым ня менш, амбасадар упэўнены, што яны знойдуць месца і час, каб абмеркаваць неабходныя пытаньні.
XS
SM
MD
LG