Цікава, што на рашэньне судовай калегіі працэс закрыты, прадстаўнікоў мэдыяў на яго не пускаюць. Адвакат Сяргея Віньнікава Аляксандар Пыльчанка паведаміў Радыё Свабода, што закрытасьць працэсу судзьдзі патлумачылі тым, што падчас слуханьняў будуць агалошваць "зьвесткі прыватнага характэру".
"Пакуль ідзе допыт сьведкаў. Калі працэс завершыцца, прадказаць не магу", — сказаў Аляксандар Пыльчанка.
Паводле адваката, Сяргей Віньнікаў не прызнае сябе вінаватым і актыўна бароніцца.
