Лінкі ўнівэрсальнага доступу

У ВІЦЕБСКУ – ЗНОЎ НЕСАНКЦЫЯНАВАНЫ ПІКЕТ


Алег Жукоўскі, Віцебск

Нагадаем, што ўдзельнікаў падобнай акцыі, якая адбылася ўчора, – Інэсу Галееву, Аксану Філімонаву, Віталя Буевіча, Сяржука Іванова і кіраўніка філіі Сяржука Васенку – міліцыянты затрымалі ўжо пасьля заканчэньня пікету на вуліцы, далёка ад месца падзеі. На іх былі складзеныя пратаколы, а паўтузін плякатаў скафіскавалі.

Таму сёньня давялося абыходзіца адзіным плякатам «Саша, калі мы будзем жыць лепей?», зь якім да пяцёркі далучыліся Валер Паўлоцкі і Сяржук Сяргеенка. Маладзёны распаўсюджвалі буклеты «Мы памятаем...» ды Дэклярацыю правоў чалавека.

Два старшыні-міліцыянты з табельнай зброяй і гумавымі дручкамі пільна адсочвалі сытуацыю, але без загаду кіраўніцтва актыўных дзеяньняў ня прадпрымалі.

На момант перадачы інфармацыі зьвестак пра затрыманьні ня было.


Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG