Лінкі ўнівэрсальнага доступу

СЁНЬНЯ ЧАТЫРЫ ЖЫХАРКІ БАБРУЙСКУ НА 11-ТЫ ДЗЕНЬ ГАЛАДОЎКІ ПРЫПЫНІЛІ ЯЕ НА ПЭЎНЫ ЧАС


Аляксандар Сердзюкоў, Магілёў

Аднак пасьля прыезду старшыні Беларускай арганізацыі працоўных жанчын Марыі Аліевай галадоўшчыцы зьмянілі рашэньне. Старшыня Бабруйскага аддзяленьня Беларускага Гельсынскага камітэту Яўген Чапурышкін таксама прапанаваў спыніць галадоўку ў сувязі з пагаршэньнем стану здароўя ейных удзельніц.

Пасьля чаго рабочая акцыянэрнага таварыства "Фандок" Галіна Гусева, бугальтарка Бабруйскага філіялу Менскага трактарнага заводу Любоў Санковіч, камэндантка інтэрнату гэтага прадпрыемства Ева Ўсьцімчук і жонка аднаго зь ягоных працаўнікоў Яніна Аўсянік напісалі ліст у Бабруйскі гарвыканкам. У ім яны паведамілі, што прыпыняюць галадоўку да часу праверкі фактаў, якія выкладзеныя у іхных скаргах.

Адразу пасьля накіраваньня ліста ў гарвыканкам жанчыны трапілі ў шпіталь. Як стала вядома, камісія дзяржаўнага кантролю Магілёўскай вобласьці мае намер правесьці праверку пасьля выхаду з адпачынку намесьніка яго старшыні.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG