Лінкі ўнівэрсальнага доступу

logo-print

У ВІЦЕБСКУ ЗАТРЫМАНЫ І ДАСТАЎЛЕНЫ Ў КГБ ЛІДЭР МЯСЦОВАЙ СУПОЛКІ МАЛАДОГА ФРОНТУ


Сабіна Радзько, Віцебск

Міліцыянты Кастрычніцкага раённага аддзяленьня ўнутраных справаў даставілі Віктара ў віцебскі КГБ. Са старшынёмі віцебскага Маладога Фронту гутарыў супрацоўнік аддзелу па барацьбе з тэрарызмам, які не пажадаў назваць сваё прозьвішча затрыманаму.

Віктару прапанавалі распавесьці ўсё, што ён ведае пра бомбу, якую заклалі ў расейскай амбасадзе ў Менску 30 траўня. Пыталіся, дзе ён быў у той момант. У той дзень Віктар не выяжджаў зь Віцебску — таму размова, ён кажа, мела фармальны характар. Менш як праз гадзіну яго выпусьцілі.

Нагадаю, што затрыманьню Віктара Шляхціна не папярэднічала ні вуснае запрашэньне наведаць КГБ, ні пісьмовая позва.
XS
SM
MD
LG