Лінкі ўнівэрсальнага доступу

logo-print

ЗА ЎДЗЕЛ У ПІКЕЦЕ Ў ГАДАВІНУ ЗЬНІКНЕНЬНЯ ЗАВАДЗКАГА – ШТРАФ 150 МІНІМАЛЬНЫХ ЗАРОБКАЎ


Любоў Лунёва, Менск

Нягледзячы на тое, што Зьміцер Фядорчанка беспрацоўны, судзьдзя Натальля Вайцяховіч абавязала яго заплаціць штраф 750 амэрыканскіх даляраў.

Ужо напачатку судовага паседжаньня стала зразумела, што будзе менавіта такі прысуд, бо ў будынку не было міліцыянтаў, якія звычайна суправаджаюць арыштаваных у спэцпрыёмнік. Для Зьмітра гэта ўжо чацьверты суд за ўдзел у несанкцыянаваных пікетах. Штрафы агулам склалі больш як тысячу даляраў.

(Фядорчанка: ) "Гэта ўжо чацьверты суд. У мяне было 150 мінімальных заробкаў, два месяцы таму — 20, і сёньня 150. Я павінен выплаціць больш за тысячу даляраў. Я ж беспрацоўны. Ня ведаю, як іх выплаціць. Прасіў судзьдзю даць мне лепш суткі, а яна адмовіла. Сказала, што гэта будзе вельмі жорсткае пакараньне. Але на гэтым я здавацца ня буду, буду змагацца далей", — паведаміў Радыё Свабода Зьміцер Фядорчанка ў судовай залі Цэнтральнага суду.
XS
SM
MD
LG