Камэнтуючы нашаму радыё свой зварот, Сяргей Антончык зазначыў, што ў яго згаданы дэкрэт выклікаў восем пытаньняў, на якія ён не знайшоў адказу ў цяперашнім выбарчым заканадаўстве.
Спадар Антончык не разумее, ці ўсе сваякі прэтэндэнтаў мусяць прадастаўляць дэклярацыі. Калі дэкрэт ня робіць выключэньняў, то, як лічыць аўтар звароту, пра свае даходы й маёмасьць мусяць паведаміць і сваякі Аляксандра Лукашэнкі. Напрыклад, ягоны бацька, зьвесткі пра якога Лукашэнка, паводле словаў Антончыка, дагэтуль утойвае.
